久違了的黃子華和他的「搵食」招牌名句。想不到在這個短片裏全新呈現。
一開場已經好catchy，用了香港人最熟悉的英國殖民地香港賽馬直播William Tell 神箭手交響曲，一隊人手持紅旗殺入鏡頭，即嚇人一驚，但一想，有黃子華在，又有英國招牌音樂，這個紅旗陣一定係 harmless。
無論係電影定係舞台劇，這就叫做先聲奪人。
「搵食啫，何必太過認真」。此片開頭，「子華神」豪氣登場，背景由片場到 workshop，由 workshop 到 office，一直保持懸念。
而旁白方面，就是考驗編劇的文學根底的時候：食住一個「搵」字，引出香港人如螻蟻般勞碌的一生，賺到錢，搵到食，但大半生過去，一回首，才發現父母已經老去，子女長大離開，自己青春不在，才知道人生在搵食兩個字之中，溫飽了口腔腸胃，失去了精神靈魂。
出路在何處？黃子華鏗鏘 repeat 了簡潔而明確的兩個字共一組：搵吓朋友，搵吓家人，搵吓自己，搵吓愛。
一錘錘、一刀刀，將 message 鑿入腦海，將主題刻在心頭。
「搵食係信仰」，但將一件事做得完美，perfectionism，同樣係信仰。資源有限，創意無窮，搵食有時，想像無邊。
foodpanda 的廣告，由黃子華引領，起承轉合，將口腔期的慾望提升到哲學人生的層次，提醒你：生命中必須有空間，一項飲食外賣服務，在 menu 之外另有品牌的深層意義，foodpanda 為你省下的時間，正同時為你贏得生命的bonus。
深刻而不深奧，深沉而不沉重，有色相，有精神，如黃子華有明星外表，也有哲學家的內涵。人才難得，產品難求。
只拍出這段有藝術和舞台意味的廣告，證明香港最終一定有希望。
Search